काठमाडौंः एसियाली क्रिकेट काउन्सिल (एसीसी) ले मंगलबार सार्वजानिक गरेको खेल तालिका अनुसार नेपाल भारत र बंगलादेशको समुहमा परेको छ । मलेसियाको क्वालालम्पुरमा कात्तिक २३ देखि हुने प्रतियोगितामा नेपाल कठिन समुहमा परेको हो ।
समुह 'ए' मा नेपालसँगै टेस्ट मान्यता प्राप्त टोली भारत , बंगलादेश र मलेसिया परेका छन् । मंगलबार सार्वजनिक भएको तालिकाअनुसार नेपालले कात्तिक २४ गते बंगलादेशसँग मलेसियाको क्वालालम्पुरस्थित किनरारा ओभलमा प्रतिस्पर्धा गर्नेछ । साथै नेपालले कात्तिक २५ मा भारतसँग खेल्ने छ । समुह चरणको अन्तिम खेलमा नेपालले कात्तिक २७ मा आयोजक मलेसियाको सामना गर्ने छ ।
नेपालले समुहमा मात्र एक जित हात पारेको अवस्थामा सेमिफाइनलको यात्रा तय गर्ने छ । चार टोली सम्मिलित दुई समूहबाट विजेता तथा उपविजेता टोली प्रतियोगिताको अन्तिम चारमा पुग्नेछन् । सेमिफाइनलका विजेताले फाइनलमा उपाधिका लागि प्रतिस्पर्धा गर्नेछन् ।
