काठमाडौंः बुधबार दिँउसो टोखामा गोली चलाउने चार जनालाई प्रहरीले भरुवा बन्दुकसहित पक्राउ गरेको छ । उनीहरुको गोली लागेर टोखा नगरपालिका १ मा घाँस काट्न गएकी ३५ वर्षीय दुर्गा पोखरेल घाइते भएकी थिइन् ।
घाइते उनको ग्राण्डी अस्पतालमा उपचार भइरहेको छ । पोखरेलको कोखा र पाखुरामा गोली लागेको थियो । उनको अवस्था खतरामुक्त रहेको चिकित्सकहरुले जनाएका छन् ।
गोली चलाएको आरोपमा प्रहरीले सुनिल तामाङ, विजय तामाङ, अंकित तामाङ र सुशान्त तामाङलाई प्रहरीले पक्राउ गरेको छ । उनीहरुको साथबाट प्रहरीले भरुवा बन्दुक बरामद गरेको बताएको छ ।
