बुटवलः शुक्रबार विहान करिब ११ बजे तिर अज्ञात समुहद्वारा गोली लागी घाइते भएका ३८ वर्षिय फर्निचर व्यावसायी बसन्त पौडेलको उपचारको क्रममा मृत्य भएको छ । काठ मिलको व्यावसाय गर्दै आइरहेका उनको टाउकोमा चोट लागेको थियो ।
घाइते पौडेलको उपचारका क्रममा लम्बिनी अस्पतालमा मृत्यु भएको जिल्ला प्रहरी कार्यलय रुपन्देहीले जनाएको छ । उनलाई ‘काठको अर्डर गर्नु छ’ भन्दै अर्डर टिप्न लाग्दा गोली हानियको बताइएको छ ।
घटनामा संलग्नको खोजिकार्य भइरहेको जनाइएको छ ।
अज्ञात समूहद्वारा व्यावसायीमाथि बुटवलमा गोली प्रहार
बुटवलः रुपन्देहीका फर्निचर व्यावसायीमाथि अज्ञात समूहले गोली प्रहार गरेका छन् । रुपन्देही देवदह नगरपालिका भेकाबारमा भएको प्रहारबाट व्यावसायी बसन्त पौडेल घाइते भएका छन् ।
पौडेलको अञ्चल अस्पताल बुटवलमा उपचार भइरहेको छ । गोली चलाउनेको पहिचान भएको छैन भने गोली चल्नुको कारण पनि खुलेको छैन । घटनामाथि अनुसन्धान भइरहेको प्रहरीले जनाएको छ ।
केही समयअघि बुटवलमै अज्ञात समूहको गोली प्रहारबाट युवा संघका अध्यक्ष दुर्गा तिवारीको हत्या भएको थियो ।
