काठमाडौंः भारतमा विश्वमै चर्चित इन्डियन प्रिमियर लिग (आईपीएल) क्रिकेट प्रतियोगिता चलिरहेको बेलामा नेपाली भुमिमा आइपीएलको नाममा करोडौँको जुवा चलिरहेको छ। वीरगन्जमा आईपीएलका हरेक खेलमा हारजितका लागिभन्दै अवैध रुपमा बाजी चलाउने गरिएको हो ।
आईपीएलको प्रत्यक खेलका लागि वीरगन्जमा दैनिक करिब एक करोड रुपियाँसम्मको बाजी लाग्ने गरेको छ। हारजितको बाजी लगाउनेमा युवा, उद्योगि, व्यपारी, तस्कर, नेता र ठेकेदारसमेत रहेको बताइएको छ ।
अवैध कारोबारका लागि दलालहरुले लागि गोप्यरुपमा कार्यालय नै सन्चालन गरेका छन् । आदर्शनगरका एकले बताएअनुसार आदर्शनगर, मुर्ली श्रीपुर र घण्टाघर क्षेत्रमा कोठा भाडामा लिएर दलालहरुले गोप्य रुपमा सट्टाबाजीको कार्यालय सञ्चालन गरेका छन् ।
आइपीएलका खेलहरुमा बाजी थाप्ने मुख्य गिरोह राज्स्थानमा रहेका छन् । उनीहरुको डिजाइनहनुसार वीरगन्जमा आईपीएल सट्टाबाजीको धन्दामा संलग्न भएको खबर आजको अन्नपूर्णमा छ ।
