शनिबार १७ कात्तिक, २०८१ | Saturday Nov 02, 2024
काठमाडौं । प्रहरीले बिहिवार सात केजी अबैध सुन सहित एक गाडी चालकलाई पक्राउ गरेको छ । पक्राउ पर्नेमा गाडी चालक कुन्साङ लामा रहेका छन् । उनलाई प्रहरीले कलंकीबाट पक्राउ गरेको हो।
आज बिहान धादिङबाट काठमाडौँ आउँदै गरेको बा ८ च ७४२० नम्बरको हाइलक्स गाडीबाट सुन बरामद गरेको महानगरीय अपराध अनुसन्धान महाशाखाका एसएसपी सर्वेन्द्र खनालले जानकारी दिए।
एक केजीका सातवटा 'सुनको बिस्कुट' बरामद गरिएको उनले बताए। बरामद सुनको मूल्य आजको बजार भाउ अनुसार तीन करोड १६ लाख २६ हजार हुन आउछ।
लामाको घर रसुवा हो। शंका लागी सोधपुछ गर्दा चालकले नै सुन भएको बताएका थिए। उनले सो सुन लिएर कसलाई दिन ल्याएका थिए भन्ने बारे अझै अनुसन्धानकै क्रममा रहेको प्रहरिले जनएको छ । प्रहरीका अनुसार चालक कुन्साङ भरिया मात्र हुन् वा होइनन् भन्नेबारे अनुसन्धान पनि अनुसन्धान पछी मात्रै खुल्ने छ ।
