काठमाडौंः राजधानीको नयाँ बसपार्कमा एक व्यक्तीको एक लाख ४७ हजार रुपियाँ लुटिएको छ । पाँचथरको बामिडाँडा घर भएका २३ वर्षीय मेगेन्द्र दुलालको पैसा फिल्मी शैलीमा लुटिएको प्रहरीले जनाएको छ ।
उनी हाल नयाँ बसपार्कमा बस्दै आएका थिए । पीडित दुलालले बताएअनुसार उनी नयाँ बसपार्कबाट माइक्रो चढेर जमल तिर आइरहेका थिए । सोही क्रममा एक अपरिचित व्यक्तीले उनलाई श्रीमतीको शल्यक्रिया गर्नु पर्ने भएको भन्दै सहयोग मागेका थिए ।
दुलालले खल्तीमा भएको पैसा झिकेर एक हजार रुपियाँ दिन लाग्दा सबै रकम लुटेर भागेका थिए । लुटपाटमा संलग्नको खोजी कार्य जारी रहेको महानगरीय प्रहरी प्रभागले जनाएको छ ।
