शनिबार १७ कात्तिक, २०८१ | Saturday Nov 02, 2024
काठमाडौँ : अख्तियार दुरुपयोग अनुसन्धान आयोगले गुठी संस्थान सूर्यविनायक शाखामा कार्यरत सहायक प्रशासक छत्रबहादुर पौडेललाई रु ५० हजार घुस लिँदालिँदै कार्यालय परिसरबाट पक्राउ गरेको छ ।
आयोगका प्रवक्ता जीवराज कोइरालाका अनुसार पौडेलले गुठीको जग्गा जोत नामसारी गर्ने प्रयोजनका लागि एक सेवाग्राहीसँग विभिन्न बहानामा घुस मागेको भन्ने सूचनाका आधारमा पुगेको आयोग टोलीले आज पक्राउ गरेको हो ।
पक्राउ परेका सहायक प्रशासक पौडेलमाथि थप अनुसन्धान भइरहेको आयोगले जनाएको छ ।
