शुक्रबार ३० कात्तिक, २०८१ | Friday Nov 15, 2024
काठमाडौँ । माल्दिभ्समा सम्पन्न साफ च्याम्पियनसिप फुटबल प्रतियोगितामा उपविजेता बनेको नेपाली राष्ट्रिय फुटबल टोली काठमाडौंमा विशेष स्वागत गरिएको छ । टोलीमा प्रशिक्षक अब्दुल्ला अल्मुताइरीलगायत पनि थिए ।
सोमबार बिहान काठमाडौं आइपुगेको टोलीलाई त्रिभुवन विमानस्थलमा खेलप्रेमी तथा शुभचिन्तकहरुले विशेष स्वागत गरेका हुन् । खेलाडीहरुलाई स्वागत गर्न नवनियुक्त युवा तथा खेलकुदमन्त्री महेश्वर गहतराज पनि विमानस्थलमा पुगेका थिए ।
फुटबल टोलीको स्वागतमा नेपाली सेनाको ब्यान्डले मंगल धून बजाउनुका साथै प्रशंसकहरुले अल्मुताइरीको पक्षमा नारासमेत लगाएका थिए ।
पहिलो पटक प्रतियोगिताको फाइनलमा पुगेको नेपाली टोली भारतसँग ३–० ले पराजित भएर उपविजेतामा सीमित भएको थियो । उपविजेताको रुपमा नेपालले २५ हजार अमेरिकी डलर प्राप्त गरेको छ ।
