शुक्रबार ३० कात्तिक, २०८१ | Friday Nov 15, 2024
एजेन्सी । यूएईमा जारी ट्वान्टी २० विश्वकप क्रिकेटको फाइनलमा न्युजिल्यान्ड प्रवेश गरेको छ । अबेर भएको खेलमा इंग्ल्यान्डलाई हराउँदै न्युजिल्यान्ड पहिलो पटक ट्वान्टी २० विश्वकपको फाइनलमा प्रवेश गरेको हो ।
खेलमा न्युजिल्यान्डका ड्यारेल मिचेल हावी भए । उनले ४८ बलमा नटआउट रहेर ७२ रन बनाए भने न्युजिल्यान्डले १९ ओभरभित्र पाँच विकेट गुमाएर १६७ रन बनाएको थियो ।मिचेलले चार चौका र चार छक्का प्रहार गरे ।
न्युजिल्यान्डका लागि डेभन कनवेले पनि ४६ रनको योगदान दिए । जितको नजिक पुगेर पनि इंग्ल्यान्ड प्रतियोगिताको सेमिफाइनलमा पराजित हुन पुग्यो । पहिले ब्याटिङ गरेको इंग्ल्यान्डले चार विकेट गुमाएर १६६ रन बनाएको थियो ।
अब फाइनलमा न्युजिल्यान्डले पाकिस्तान र अस्ट्रेलियामध्ये जो विजेता हुन्छ, उससँग प्रतिस्पर्धा गर्नेछ ।
