आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । बुद्ध एयरका संस्थापक अध्यक्ष सुरेन्द्रबहादुर बस्नेतको आज बिहान ९५ वर्षको उमेरमा निधन भएको छ ।
भोजपुरको दिंगलास्थित साल्मामा विक्रम संवत् १९८४ सालमा बस्नेतको जन्म भएको थियो । उनले बनारस हिन्दु विश्वविद्यालयबाट एमए उत्तीर्ण गरेका थिए । साथै एलएलबी पनि अध्ययन गरेका थिए ।
सर्वोच्च अदालतको न्यायाधीश, निर्वाचन आयोगको प्रथम प्रमुख आयुक्त र नेपाल प्रेस काउन्सिलको प्रथम अध्यक्ष समेत बनेका थिए । उनी २०२४ सालमा कानुन तथा न्याय, शिक्षा मन्त्री र २०२५ सालमा अर्थ, उद्योग, वाणिज्य तथा आपूर्ति मन्त्री भएका थिए ।
२५ वर्ष अघि ७० वर्षको उमेरमा उनले बुद्ध एयर स्थापना गरेका थिए । हाल बुद्ध एयरको प्रबन्ध निर्देशकमा उनका जेठा छोरा वीरेन्द्रबहादुर बस्नेत छन् ।
