शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । सिस्डोल र बन्चरेडाँडा स्थित डम्पिङ साइटमा भोलि सोमबारदेखि काठमाडौं उपत्यकाको फोहोर फ्याँक्न नदिने तयारी गरिएको छ ।
ककनी गाउँपालिका, धुनिबेँसी नगरपालिकाका जनप्रतिनिधि र स्थानीयले फोहोर फ्याँक्न नदिने चेतावनी दिएका हुन् ।
ककनी गाउँपालिका–३ का वडाअध्यक्ष घननाथ बजगाईँले काठमाडौंबाट आएको फोहोर सिस्डोल र बन्चरेडाडाँमा फाल्न नदिने जनाएका हुन् ।
उनले फोहोरो र मानवलाई एकै ठाउँमा राख्न नहुने उल्लेख गरे । आफूहरुको माग सम्बन्धित निकायले सुनुवाई नगरेकाले यस्तो कठोर निर्णय गर्नु परेको बताए । ,
डम्पिङ साइट आसपास नुवाकोट क्षेत्रका ढुंगाना गाउँ, पहिरे, सुडीनी, भँडारथुम्का, धादिङ क्षेत्रका चिलाउने गाउँ, छत्रेदेउराली, पाठक गाउँ लगायतका ठाउँमा फोहोरले बस्न नसकिने अवस्था आएको उनको भनाइ छ ।
