अपि हिमाल आधार शिविरको पदयात्रामा जाने हो ?

काठमाडैं । अपि हिमाल सुदूरपश्चिमको नाम चलेको हिमाल हो । सात हजार १३२ मिटर उचाइमा रहेको यो हिमाल आरोहण गर्न र आशार शिविरसम्म टे«क (पदयात्रा) गर्न विदेशीसँगै आन्तरिक पर्यटनले पनि रुचि राख्छन् । 

अपिको आधार शिविर सुदूरपश्चिमको सबैभन्दा सुन्दर पदयात्रा गन्तव्य हो । अपि हिमाल आधार शिविर पदमार्गको अझ प्रवर्द्धन गर्न लागिपरेको यसै कार्यमा लागेका जीविकोपार्जनका लागि दीगो पर्यटन परियोजनाका प्रोग्राम सपोर्ट इन्जिनियर अनिश लम्सलले जानकारी दिए । 

लम्सालले भने, ‘पर्यटकहरु नेपालका विभिन्न हिमालहरुमा ट्रेकिङ गर्न जान्छन् । तर कर्णालीमा रहेको अपि हिमाल बेस क्याम्पको ट्रेकमा त्यति जाँदैनन् । हामीले सुधार र प्रचारप्रसारमा काम गरेपछि आजभोलि चाहिँ पर्यटकहरु जान थालेका छन् । आन्तरिक पर्यटकहरुको आकर्षण बढ्दो छ ।’ अपि हिमाल दार्चुलामा पर्छ । ​

पदमार्ग सुधारका लागि ५१ लाख ५० हजार रुपियाँ खर्च भएको जनाइएको छ । एपी हिमालको आशार शिविर जानको लागि काठमाडौंबाट धनगढी पुगेपछि दाचुलाको गोकनेश्वर भन्ने ठाउँसम्म गाडी चढेर जानुपर्छ । गोकनेश्वरबाट मकरीघाटसम्म गाडी जानसक्छ । अपि हिमाल गाउँपालिकाको खान्देश्वरी भन्ने ठाउँबाट पदमार्ग सुरु हुन्छ । पदयात्रा सुरु गरेपछि तीन दिनमा आधार शिविर पुगिन्छ । हिड्न सक्ने मान्छेहरु दुई दिनमै पनि आधार शिविर पुग्नेसक्ने लम्सालको भनाई छ । 

तीन हजार ८६१ मिटर उचाइमा रहेको अपि हिमालको आधार शिविरबाट दुई घण्टा हिँडेपछि कालीढुंगा ताल (४,१०० मिटर) पुग्न सकिन्छ, जहाँका मानिसहरु यार्सागुम्बा टिपेर र भेंडा चराएर जीवनयापन गर्छन् । ट्रे

कका आइटिनरेरिः 

काठमाडौं–धनगढी                                                माध्यम
धनगढी–गोकुलेश्वर (दार्चुला)                                    बसबाट
गोकुलेश्वर–मकरीगाड, खाण्डेश्वरी जीपबाट                पदयात्रा
खान्देश्वरी–खैकोट                                                  पदयात्रा
खैकोट–धौलियोदार                                                पदयात्रा
धौलियोदार–अपि आधार शिविर, कालिढुङ्गा ताल        पदयात्रा