शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । काठमाडौं महानगरपालिकाले महानगर अन्तर्गतका ८९ वटा सामुदायिक विद्यालयका कक्षा १० सम्मका विद्यार्थीहरुलाई दिवा खाजा उपलब्ध गराएको छ ।
भदौ १ गतेदेखि कक्षा ९ र कक्षा १० का विद्यार्थीहरुलाई पनि दिवा खाजा उपलब्ध गराउने निणर्य गरेको महानगर शिक्षा प्रमुख सिताराम कोइरालाले बताए ।
महानगरले कक्षा ८ सम्मका विद्यार्थीहरुलाई यसअघि दिवा खाजा दिँदै आएको थियो ।
संघीय सरकारले कक्षा ५ सम्मका विद्यार्थीलाई दिवा खाजा कार्यक्रम सञ्चालन गरिरहेको छ। दिवा खाजाका लागि सरकारले प्रतिविद्यार्थी १५ रुपियाँका दरले विद्यालयलाइ उपलब्ध गराउँदै आएको छ ।
महानगरले कक्षा ६ देखि कक्षा १० सम्मका विद्यार्थीहरुलाई सरकारले दिएको १५ रुपियाँमा थपेर हरेक विद्यार्थीलाई दैनिक ३० रुपियाँका दरले खाजा दिने
कोइरालाले जानकारी दिए ।
महानगरले निर्णयपछि ८९ विद्यालयबाट ४० हजार विद्यार्थीले दिवा खाजा पाउने भएका छन् । दिवा खाजाका लागि महानगरले २३ करोड रुपियाँ विनियोजन गरेको छ ।
