शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । त्रिभुवन विश्वविद्यालय सेवा आयोगका नवनियुक्त अध्यक्ष प्राडा घनश्याम भट्टराईलाई कर्मचारीहरूले ९ बुँदे माग पेस गरेका छन् ।
त्रिवि कर्मचारी संघले आज अध्यक्ष भट्टराईलाई बधाई ज्ञापन गर्दै ९ बुँदे ज्ञापन पत्र पेस गरेका हुन् ।
संघले त्रिवि कार्यकारी परिषदबाट विज्ञापनका लागि श्रेणीविहीन कर्मचारीहरूको विज्ञापन यथाशीघ्र प्रकाशित गर्नुपर्ने माग राखेको छ ।
त्यस्तै विज्ञापन नम्बर १८ सँग सम्बन्धित पुस्तकालय अधिकृत लगायत पदमा अन्तरवार्ता समेत भएर नतिजा प्रकाशन गर्न मात्र रोकिएका पदहरूको यथाशीघ्र नतिजा प्रकाशित गर्न कर्मचारीहरुले आग्रह गरे ।
त्रिवि कार्यकारी परिषदबाट विज्ञापनका लागि पठाई सकिएको श्रेणी विहीन कर्मचारीहरूको विज्ञापन प्रकाशित गर्नुपर्ने माग पनि राखे ।
चालकहरूको प्रयोगात्मक परीक्षा सम्पन्न भइसकेको र कुनै विवादमा नभएको परीक्षा समेत विना कारण रोकिएकाले तुरुन्त नतिजा प्रकाशित हुनु पर्ने उल्लेख गरे ।
त्रिवि सेवा आयोगले वार्षिक कार्य योजनासहितको विज्ञापन प्रकाशन, परीक्षा सञ्चालन र नतिजा प्रकाशनको कार्य तालिका नै बनाएर काम अघि बढाउन पर्ने लगायतका माग अघि सारेका छन् ।
