शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । शिक्षा तथा मानव स्रोत विकास केन्द्र सानोठिमी भत्तपुरले बिदा स्वीकृत नगराई लामो समय बिदा बस्ने शिक्षकलाई कारबाही गर्ने भएको छ ।
शिक्षा विकास तथा समन्वय एकाइ र स्थानीय तहलाई परिपत्र गर्दै लामो समय सम्म विद्यालय नजाने शिक्षकहरुलाई प्रचलित ऐन, कानुन अनुसार कारबाही गर्न निर्देशन दिएको हो ।
विद्यालयमा लामो सामय अनुपस्थित रहने, विद्यालय र सम्बन्धित निकायले ताकेता गर्दा समेत जवाफ नदिने, सम्पर्कमा नआउने, लामो अवधिपछि राजीनामा पेस गर्ने एवं सेवा सुविधा मात्र प्राप्त गर्ने सिफारिस माग गर्ने शिक्षकलाई कारबाही गरिने छ ।
शिक्षा ऐन २०२८ को दफा १६ ङ को उपदफा ९५० मा सामुदायिक विद्यालयको शिक्षक वा कर्मचारीलाई पदबाट हटाउने अवस्था, शिक्षा नियमावली २०५९ को नियम १३३ मा शिक्षकले पालन गर्नुपर्ने आचार संहिता र सोही नियमावलीको नियम १३५ देखि १४३ सम्म नियम विपरीत कार्य गर्ने शिक्षकलाई गरिने सजाय सम्बन्धी कानुनी व्यवस्था अनुसार प्रक्रिया अघि बढाउन निर्देशन दिएको छ ।
