शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । अन्तर्राष्ट्रिय उडान सेवा ‘हिमालय जेट’ सञ्चालनको तयारीमा रहेका नेपाली मुलका बेलायती व्यवसायी दिपेन्द्र गुरुङलाई अभिनेत्री मनिषा कोइरालाले शुभकामना दिएकी छन् ।
गुरुङसँगको भेटको तस्वीर सामाजिक सञ्जालमार्फत सार्वजनिक गर्दै कोइरालाले हिमालय जेटका लागि शुभकामना दिएकी हुन् । आफ्ना हजुरबुबा विपी कोइरालाको विचार नेपालको पूरानो राजनीतिक दल नेपाली कांग्रेसले परित्याग गरी हिंसात्मक आन्दोलनबाट उदाएको माओवादीले अघि सारेको पथमा हिँडेपछि मनिषा कोइराला पछिल्लो समयमा कांग्रेसदेखि रुष्ट भएकी छन् ।
यता व्यवसायी गुरुङले १८ वटा ठूला जहाजमार्फत काठमाडौंसमेत विश्वका विभिन्न शहरमा उड्डयन सेवा सञ्चालनको तयारी गरिरहेका छन् । विश्वभरका उच्चस्तरीय होटलहरूमा सञ्चालन हुने लक्जरी सिनेमा चेन ‘प्राइम’ सञ्चालन गर्दै आएका गुरुङले ठूलो लगानीमा विश्वका विभिन्न पर्यटकीय केन्द्र र शहरहरुमा उडान सुरु गर्न लागेका हुन् । एयरलाइन्सको प्राविधिक केन्द्र बेलायत र अमेरिकामा रहने उनले जनाएका छन् । गुरुङले आफू नेपाली मुलको भएकाले एयरलाइन्सको नाम ‘हिमालय’ राखेको बताउँदै आएका छन् ।
यो पनि पढ्नुहोस्ः
नेपाली मुलका बेलायतीले १८ ठूला जहाजमार्फत काठमाडौंसहित विश्वभर उडान सेवा सुरु गर्ने
