शुक्रबार ३० कात्तिक, २०८१ | Friday Nov 15, 2024
शुक्रबार ३० कात्तिक, २०८१ | Friday Nov 15, 2024
काठमाडौं । हिमाल आरोहण मौसम सुरु भएसँगै पर्यटन विभागबाट विभिन्न हिमाल आरोहणका लागि ५१२ जनाले अनुमति लिएका छन् ।
उनीहरुले १९ वटा हिमालका लागि आरोहण अनुमति लिएका हुन् । विभागका पर्वतारोहण शाखाका निर्देशक राकेश गुरुङले आरोहण अनुमतिबारे जानकारी गराउँदै यस वसन्त सिर्जनका लागि हिजो (बुधबार)सम्म ५१२ जनाले आरोहण अनुमति लिएका बताए ।
यसमध्ये पुरुष ३९६, महिला ११६ जना छन् । आरोहण अनुमति लिएका हिमालहरु सगरमाथा, अन्नपूर्ण १, हिमलुङ, जुगल ३, अमा दब्लम, पुथा हिमचुली, खाङ्ग्री सार, कञ्चनजंगा, धौलागिरी, तेङ्गपोचे, तेङ्कोमा, मकालु, लोत्से, जुगल १, जुगल ५, जुगल २, पुमोरी, लिङट्रेन, थोराङ पिक हुन् ।
उक्त आरोहीहरुबाट सरकारले एक लाख ३७ हजार एक सय ५० डलर (३४ करोड ४३ लाख ९९ हजार) संकलन गरेको विभागले जनाएको छ ।
