आइतबार २३ भदौ, २०८१ | Sunday Sep 08, 2024
काठमाडौं । त्रिभुवन विमानस्थलको धावनमार्गभन्दा पूर्वपट्टि दुर्घटना भएको सौर्य एयरलाइन्सको जहाजबाट १५ जनाको शब निकालिएको छ ।
आफ्नै कर्मचारीहरु लिएर मर्मतका लागि पोखरा जान लागेको उक्त जहाज बिहान करिव ११ बजे दुर्घटना हुँदा पाइलट मनिषरत्न शाक्यसहित चार भने जिवितै भेटिएका थिए । उनहरुको अहिले केएमसी मेडिकल अस्पताल सिनामंगल र त्रिवि शिक्षण अस्पताल महाराजगञ्जमा उपचार भइरहेको प्रहरीले जनाइएको छ ।
जहाजमा पाइलटसहित १९ जना सवार थिए जसमा एक जना विदेशी र एक जना महिना थिए । जहाजमा मृत्यु हुने र जिवित हुनेहरुको पुष्टि सूची अझै बाहिर आएको छैन् । सर्वसाधारण यात्रु नरहेको जहाजमा सौर्य एयरलाइन्सकै मर्मत सम्भारका इन्जिनियर तथा प्राविधिकहरुको टोली रहेका थिए ।
काठमाडौं उपत्यका प्रहरी कार्यालयका प्रवक्ता दिनेश मैनालीका अनुसार जहाज दुर्घटना भई जलेकाले अधिकांशको ज्यान गएको छ । अग्नि नियन्त्रक र सुरक्षाकर्मीले आगो नियन्त्रणमा लिए पनि जहाज पूर्णरुपमा जलेको हो ।
