करोडौंको लगानीमा खुलेका तारे होटलको नबीकरण शूल्क वर्षको एक सय मात्रै !

काठमाडौं । हाल नेपालमा एक तारादेखि पाँच तारा डिलक्स सम्मको होटलहरु संचालनमा रहेका छन् । एक तारादेखि पाँच तारा डिलक्स होटलहरुको संख्या एक सय ९१ वटा होटलहरु रहेको छ । उक्त तारा होटलहरुको नर्वीकरण शूल्क वर्षको एक सय मात्रै रहेको छ । 

नेपालमा हाल संचालनमा रहेका एक तारा होटल, दुई तारा, तीन तारा, चार तारा, पाँच तारा, पाँँच तारा डिलक्स, डिलक्स हेरिटेज, लक्जरी हेरिटज बुटिक, नोमोल हेरिटज गरी ९ स्तरका होटलहरु रहेका छन् । तारा होटलहरुमा लगानी ठूलो लाग्ने र त्यही होटलको नर्वीकरण शूल्क भने वर्षको एक सय मात्र छ । 

एउटा मिनी क्यासिनो नबीकरण गर्न वार्षिक रु दुई करोड लाग्छ । एउटा पाँच तारा होटल नर्वीकरण गर्न रु एक सय मात्र लाग्छ । ठूलो पूँजीको होटलहरुको नर्वीकरण शूल्क थोरै भयो । हाम्रो पर्यटन एन २०३५ सालको हो, अब केही कुराहरु नयाँ परिमाजन गर्नुपर्ने विषय पनि रहेको उनको भनाइ छ । थप तीन वटा होटलले इजाजतपत्र लिने प्रक्रियामा रहेको र यही साउन महिनामै इजाजतपत्र पाउने बताउँदै उनले भने, ‘नेपालमा तीन वटा पाँच तारा होटल थपिने भएको छ । हाल नेपालमा पाँच तारा होटलको संख्या २१ वटा रहेको छ ।’ 

उनका अनुसार बुढानिलकण्ठस्थित होटल फरेस्ट इन्, नक्सालस्थित हिल्टन काठमाडौं र सोल्टी वेस्टेन्ड इटहरी पाँच ताराको इजाजतपत्र लिने प्रक्रियामा छन् । 

त्यस्तै, सोल्टी होटल लिमिटेडले गत असारमा पाँच तारा डिलक्सको इजाजतपत्र लिएको छ । नेपालमा पाँच तारा डिलक्सको संख्या दुई वटा पुगेको छ । यसअघि झापाको होटल मेची क्राउन मात्र पाँच तारा डिलक्स रहेको थियो । नेपालमा पाँच तारा होटलको संख्या २४ वटा पुगे पनि नियमित रुपमा नविकरण भएका १८ वटा मात्र छन् । अन्तिम पटक भैरहवास्थित सिद्धार्थ विलास र बुढानीलकण्ठ हेरिटेज लिमिटेड लेमन ट्री प्रिमियर पाँच तारा स्तरमा वर्गीकरण भएका थिए । 

नेपालमा चार तारा स्तरका होटलहरु ३६ वटा, तीन तारा स्तरको ३७ वटा, दुई तारा स्तरको ५१ वटा र एक तारा स्तरको होटलहरु ४४ वटा रहेको विभागले जनाएको छ ।