शुक्रबार ३० कात्तिक, २०८१ | Friday Nov 15, 2024
काठमाडौं । चालू आर्थिक वर्षको पहिलो त्रैमाससम्म एलआईसी नेपालको नाफा ३५ प्रतिशतले बढेको छ ।
समीक्षा अवधिमा कम्पनीले ७ करोड ८८ लाख रुपियाँ नाफा आर्जन गरेको छ । अघिल्लो आवको सोही अवधिमा यस्तो नाफा ५ करोड ८१ लाख रुपियाँ थियो । गत आवको तुलनामा कम्पनीको नाफा ३५ प्रतिशतले बढेको हो ।
त्यस्तै, कम्पनीको कुल बीमाशुल्क आर्जन पनि सामान्य बढेको छ । गत आवमा ४ अर्ब ५१ करोड रुपियाँ कुल बीमाशुल्क आर्जन गरेको कम्पनीले पहिलो त्रैमासमा ४ अर्ब ५७ करोड रुपियाँ आर्जन गरेको छ ।
२ अर्ब ६५ करोड ३२ लाख चुक्ता पुँजी रहेको एलआईसी नेपालको जीवन बीमा कोषमा एक खर्ब २४ अर्ब नौ करोड रुपैयाँ सञ्चित छ । गत आवको तुलनामा यस्तो कोष ३.१९ प्रतिशतले बढेको हो ।
त्यसैगरी असोज मसान्तसम्ममा कम्पनीको जगेडा कोष २ अर्ब ६९ करोडबाट बढेर २ अर्ब ७७ करोड रुपियाँ पुगेको छ ।
समीक्षा अवधिमा कम्पनीको प्रतिशेयर आम्दानी ११.८८ रुपियाँ छ ।
