कर्मचारीहरुको हुल बोकेर समितिमा आएको भन्दै निगमका अध्यक्षलाई हप्काए सभापतिले

काठमाडौं । संसदीय समितिको बैठकमा आफ्नो कार्यालयका कर्मचारीहरुको दलबल बोकेर आएको भन्दै नेपाल वायुसेवा निगमका कार्यकारी अध्यक्ष युवराज अधिकारीलाई साँसदहरुले हप्काएका छन् । 

निगमको अन्तर्राष्ट्रिय उडान गर्ने चार जहाजमध्ये तीन वटा ग्राउण्डेड भएको विषयमा छलफल गर्न बोलाइएको बैठकमा झण्डै सोधपुछ गर्न बोलाइएको बैठकमा अधिकारी झण्डै एक दर्जन कर्मचारीहरु बोकेर आएका थिए । 

समितिका सदस्यहरुले पनि निगम सुधार गर्न र जहाजहरु सञ्चालन गर्न नसक्ने भएर पद छोड्न अधिकारीलाई सुझाव दिएका थिए । साँसदहरुले त्यसोभन्दा अधिकारी कालो र निलो अनुहार लगाएर बसेका थिए । साँसदहरुले आफूहरुलाई प्राविधिक कुरा गरेर जिम्मेवारीबाट नपन्छिन सुझाव दिँदै आफूहरुलाई नजिता चाहिेन बताएका थिए । 

उनीहरुले यदि सरकारले वायुसेवा सञ्चालन गर्न नसक्ने हो भने निजी क्षेत्रको हिमालय एयरलाइन्स वा अरु कसैलाई सञ्चालन गर्न दिनुपर्ने तर्क पनि गरेका थिए । अरु देशमा पनि राष्ट्रिय ध्वजाबाहाक सरकारी निकायले चलाउन नसक्दा अर्कोलाई दिएका उदाहरण दिँदै नेपालमा पनि निगमलाई बेबारिसे बनाउनुभन्दा विकल्प खोज्न उत्तम हुने बताएका थिए । भारतमा एयर इडिया सरकारले चलाउन नसकेपछि टाटालाई चलाउन दिइएको छ । 

सांसद देवी भट्टचनले नेपाल वायुसेवा निगमसँग रहेका सबै जहाज हिमालय एयरलाइन्सलाई जिम्मा दिने बेला आउन लागेको बताए । उनले भने, ‘हिमालय एयरलाइन्सलाई किन यसको जिम्म नदिने ? त्यसले पनि राम्रो गरिरहेको छ । त्यसको जहाजहरु कहिले बिग्रिएको छैन् ।’ निगम धराशायी भइसकेकोले भारतको टाटा समूहको जसरी एयर इडियालाई चलाउन दिए जस्तै नेपाल वायुसेवा हिमालय एयरलाइन्सलाई जिम्मा दिए राम्रोसँग चल्नसक्ने बताए । 

पूर्वपर्यटनमन्त्री सुदन किरातीले निगमसँग पर्याप्त जहाज नहुनु नै मुख्य समस्या भएको बताए । उनले भने, हामीसँग ३०–३५ वटा जहाज भइदिएको भए यो हालत हुदैनथियो । चार वटा जहाजले धान्नु परेको छ ।’ आफू पर्यटनमन्त्री हुँदा ९ वटा जहाज किन्नका लागि अध्ययन भएको बताउँदै उनले उक्त अध्ययन प्रतिवेदन कार्यान्वयन गर्न राजनीतिक इच्छाशक्ति नभएको बताए । 

किरातीले भने, ‘छिटोछिटो मन्त्री फेरिरहँदा एउटा मन्त्रीले थालेको काम अर्को मन्त्रीले नबुझदै फेरि फेरिनुपर्ने बाध्यता छ । यसले पनि प्रतिवेदन कार्यान्वयनमा ढिलाई र समस्या रहेको छ ।’