बिहीबार ३ असोज, २०८१ | Thursday Sep 19, 2024
काठमाडौं । नेपाल दूरसञ्चार कम्पनी लिमिटेड (नेपाल टेलिकम) को प्रबन्ध निर्देशकमा संगीता पहाडी अर्याल नियुक्त भएकी छिन् ।
मन्त्रिपरिषद्को विहीबार बसेको बैठकले निमित्त प्रबन्ध निर्देशक रहेकी पहाडीलाई प्रबन्ध निर्देशक नियुक्त गर्ने निर्णय भएको हो ।
नेपाल सरकार, सञ्चार तथा सूचना प्रविधि मन्त्रालयको २०८० असोज १७ गतेको मन्त्रीस्तरीय निर्णयबाट उनलाई अर्को व्यवस्था नभएसम्मका लागि निमित्त प्रबन्ध निर्देशक भई कामकाज गर्न तोकिएको थियो ।
नेपाल टेलिकमका तत्कालीन प्रबन्ध निर्देशक सुनिल पौडेल भ्रष्टाचारको मुद्दा दर्ता भई निलम्बित हुँदा उक्त पद खाली रहँदै आएको थियो ।
