काठमाडौं । सीईडीबी हाइड्रोपावर डेभलपमेन्ट कम्पनी लिमिटेडले ११ प्रतिशत लाभांश घोषणा गरेको छ ।
सञ्चालक समितिको हिजो बसेको बैठकले आव २०८०/८१ को नाफाबाट ११ प्रतिशत बोसन शेयर प्रस्ताव गर्ने निर्णय गरेको प्रशासन अधिकृत काजोल कुन्डुले जनाएकी छिन् ।
कम्पनीको हाल कायम चुक्ता पूँजी ९३ करोड १७ लाख ४५ हजार १ सय छ ।
यसैबीच बोनस शेयर पश्चात कायम हुने चुक्ता पूँजी १ अर्ब ३ करोड ४२ लाख ३७ हजार ६१ रुपियाँको ५४.५ प्रतिशत हकप्रद शेयर जारी गर्ने प्रस्ताव पनि साधारण सभामा प्रस्तुत गरिने निर्णय भएको छ ।
यसैक्रममा कम्पनीको आव २०७९–८० र २०८०–८१ को साधारण सभा असोज २१ गते गर्ने निर्णय भएको छ । साधारण सभा प्रयोजनका लागि असोज ७ गते बुक क्लोज गर्ने निर्णय भएको पनि कम्पनीकी प्रकाशन अधिकृत कुन्डुले उल्लेख गरेकी छिन् ।