काठमाडौं । साताको अन्तिम दिन आज शुक्रबार सुनचाँदीको मूल्य ह्वात्तै बढेको छ । सुन प्रतितोला १५ सय र चाँदी प्रतितोला ३५ रुपियाँ बढेको हो ।
नेपाल सुनचाँदी व्यवसायी महासंघका अनुसार आज सुन प्रतितोला १ लाख ५७ हजार १ सय रुपियाँमा कारोबार भइरहेको छ ।
त्यस्तै चाँदी प्रतितोला १ हजार ९ सय १५ रुपियाँमा कारोबार भइरहेको महासंघले जनाएको छ ।
अन्तर्राष्ट्रिय बजारमा सुनचाँदीको मूल्य बढेपछि त्यसैको प्रभाव नेपाली बजारमा पनि देखिएको महासंघले जनाएको छ ।
अमेरिकी केन्द्रीय बैंक (फेड) ले ब्याजदर कटौती गर्ने घोषणा गरेसँगै अन्तरराष्ट्रिय बजारमा सुनको मूल्य बढेको छ ।