काठमाडौं । दुई दिन लगातार घटेको शेयर बजार आज भने उच्च अंकले बढेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ४९.१८ अंकले बढेको हो । १.९९ प्रतिशतले बजार बढ्दा नेप्से परिसूचक २५१९.५७ अंकमा उक्लिएको छ ।
समग्रमा बजार बढे पनि म्युचुअल फण्ड भने ०.०१ प्रतिशतले घटेको छ । आज वित्त समूह सबैभन्दा बढी ३.८० प्रतिशतले उचालिएको छ ।
आज ३२७ कम्पनीका १ करोड २४ लाख ९८ हजार ९ सय ८९ कित्ता शेयर किनबेच हुँदा ४ अर्ब ८१ करोड ३२ लाख २३ हजार ४.४९ रुपियाँ बराबरको कारोबार भएको छ ।
आज विभिन्न ५ कम्पनीमा पोजेटिभ सर्किट लागेको छ । वीन नेपाल लघुवित्त, ङादी हाइड्रो, यूनिक नेपाल लघुवित्त, सगरमाथा जलविद्यतु र थ्रीस्टार हाइड्रोका लगानीकर्ताहरुले १०–१० प्रतिशतले नाफा कमाएका हुन् ।
त्यस्तै हिमालयन हाइड्रोका लगानीकर्ताहरुले सबैभन्दा बढी ६.३६ प्रतिशतले घाटा व्यहोरे ।
आज ङादी ग्रुप पावरको उच्च कारोबार भयो । उक्त कम्पनीको १५ करोड ६४ लाख १७ हजार ७ सय ८७.७० रुपियाँ बराबरको कारोबार भएको नेप्सेले जनाएको छ ।
साताको पहिलो दिन आइतबार ११.५८ अंकले बजार बढ्दा ५ अर्ब ९ करोड २९ लाख ४८ हजार ६ सय ९०.६९ रुपियाँ, सोमबार ५९.०२ अंकले बजार घट्दा ५ अर्ब ६६ करोड ३ लाख रुपियाँ र हिजो मंगलबार ५८।९३ अंकले बजार घट्दा ५ अर्ब ६८ करोड ९५ लाख ६१ ह्जार ३ सय ५६.६९ रुपियाँ बराबरको कारोबार भएको थियो ।