बुधबार ३० असोज, २०८१ | Wednesday Oct 16, 2024
काठमाडौं । कामना सेवा विकास बैंकको वार्षिक साधारणसभा आज (असोज ३० गते) बस्दै छ ।
सभा, लिसारा रिसेप्सन भगवतीबहाल, नक्साल काठमाडौंमा बिहान साढे १० बजे सुरु हुनेछ ।
सभाले गत वर्षको नाफाबाट लगानीकर्तालाई ७ प्रतिशत बोनस शेयर र ५ प्रतिशत नगद गरी कुल १२ प्रतिशत लाभांश वितरण गर्ने प्रस्ताव पारित गर्नेछ ।
बोनस शेयर वितरणपश्चात् बैंकको चुक्ता पुँजी वृद्धि हुने भएकाले प्रबन्धपत्र तथा नियमावली संशोधन गर्ने प्रस्ताव पनि रहेको छ । त्यस्तै, १०० रुपियाँ दरले ३५ करोड रुपियाँबराबरको वार्षिक ९ प्रतिशत लाभांश दर कायम हुने गरी अविमोच्य असञ्चित अग्राधिकार शेयर जारी गरी प्राथमिक पुँजी वृद्धि गर्ने प्रस्ताव पनि छ ।
सभाले गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल तथा चालू आर्थिक वर्षका लागि लेखापरीक्षकनियुक्ति गरी निजको पारिश्रमिक तोक्ने काम पनि सभाले गर्नेछ ।
बैंकले लाभांश तथा साधारण सभा प्रयोजनका लागि असोज १५ गते बुक क्लोज गरिसकेको छ । असोज १४ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्नेछन् ।
