काठमाडौंः नेपाल स्पाइनल कर्ड इन्जरी खेलकुद संघले ‘अपाङ्गमैत्री’ भन्ने मुल नाराका साथ पहिलो पटक अन्तर्राष्ट्रि«य ह्वीचियर वास्केटवल प्रतियोगिता गर्ने भएको छ । संघले शनिबार पत्रकार सम्मेलन गरेर आउँदो कार्तिक २९ गतेदेखि मंसिर २ गतेसम्म यो प्रतियोगिता गर्न लागेको हो ।
संस्थाकी अध्यक्ष गायत्री दाहालले अपाङ्ता भएका मानिसहरुले केही गर्न सक्दैनन् भन्ने समाजमा भ्रम रहेकोले त्यसलाई चिर्न यस्ता प्रतियोगिताले सहयोग गर्ने बताइन । संस्थाका महासचिव ऋषि ढकालले नेपाल लगायत भारत, बंगालादेश र पाकिस्तानबाट प्रतियोगीहरु भाग लिने यस प्रतियोगितामा वरिष्ठ हाँस्य कलाकार महजोडी मदनकृष्ण श्रेष्ठ र हरिवंश आचार्य ‘ब्राण्ड एम्ब्यासडर’ को रुपमा उपस्थित हुने बताए ।
प्रतियोगितामा प्रथम हुनेले एक लाख, दोस्रोे हुनेले ७५ हजार, तेस्रो हुनेले ५० हजार नगद प्राप्त गर्ने आयोजकले जनाएको छ । त्यस्तै उक्त प्रतियोगितामा चार पुरुष समुह र दुई महिला समुह गरी जम्मा छ वटा टिमले भाग लिने आयोजकले जानकारी दिएको छ।
