काठमाडौंः आउँदो असोज २५ देखि ३० गतेसम्म चौथो दैलेख यूथ कप खेल महोत्सव खुल्ला प्रतियोगित हुने भएको छ ।
मंगलबार आयोजित पत्रकार सम्मेलनमा दैलेख यूथ क्लबले आयोजना गर्ने प्रतियोगिताको उद्घाटन खेलकुदमन्त्री राजन केसीले गर्नेछन् । विगत तीन बर्षदेखि महोत्सव गरिँदै आएको छ । क्लवका अध्यक्ष प्रेमबहादुर शाहीले दशैं तिहारलाई लक्षित गरि महोत्सब आयोजना गर्न लागिएको जानकारी दिए । प्रतियोगितामा फुटबलका १० टिम र भलिबलका १२ टिमभन्दा बढीले सहभागीता जनाउने अनुमान गरिएको छ ।
प्रतियोगिताको पहिलो हुनेलाई नगद एक लाख रुपियाँ, दोस्रो हुनेलाई ५० हजार, तेस्रो हुनेलाई २५ हजार रुपियाँ र सबैलाई प्रमाणपत्र दिइनेछ ।
