आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । विश्व फुटबल महासङ्घ (फिफा)ले बिहीबार सार्वजनिक गरेको बरियतामा नेपाल दुई स्थान तल झर्दै १८२औं स्थानमा पुगेको छ । फिफा बरियतामा दुई स्थान तल झरेपछि दक्षिण एसियामा भने नेपाल यसअघि रहेको चौथो स्थानमा यथावत छ ।
दक्षिण एसियाली मुलुकहरू भारत १६३औँ स्थानमा रहेर दक्षिण एशियाको शीर्ष स्थानमा पुगेको छ । यसअघि दक्षिण एसियाको शीर्ष स्थानमा रहेको मल्दिभ्स सबैभन्दा धेरै १४ स्थान तल झरेर १७४औँ स्थानमा पुगेको छ । त्यस्तै बङ्गलादेश १८१ औँ, भुटान, श्रीलङ्का र पाकिस्तान क्रमशः १८८औं, १८९औँ र १९२औँ स्थानमा छन् ।
दक्षिण एसियाबाट छुट्टिएर मध्यएशिया फुटबल फेडेरेसनमा आबद्ध भएको अफगानिस्तान १५६ औँ स्थानमा छ । विश्व बरियताको शीर्ष स्थान अर्जेन्टिना, दोस्रोमा बेल्जियम यथावत् छन् भने कोलम्बिया तेस्रो, जर्मनी चौथो, चिली पाचौँ स्थानमा छन् । छैटौँ, सातौँ, आठौँ, नवौँ र दसौँ स्थानमा क्रमशः स्पेन, ब्राजिल, पोर्चुगल, उरुग्वे र अस्ट्रिया छन् ।
