आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
एजेन्सी। कोपा अमेरिका फुटबल प्रतियोगिताको उपाधिकालागि फेरी पनि डिफेन्डिङ च्याम्पियन चिली र अर्जेन्टिना भिड्ने भएका छन् ।
बिहीबार बिहान अमेरिकाको सिकागोमा भएको दोस्रो सेमिफाइनल खेलमा कोलम्बियालाई २–० ले हराउँदै डिफेन्डिङ च्याम्पियन चिलीले अर्जेन्टिनासँगको भिडन्त पक्का गरेको हो ।
स्टेडियम रहेको क्षेत्रमा चलेको ठूलो आँधीहुरीका कारण दोस्रो हाफको खेल तीन घन्टासम्म रोकिएको थियो । दोस्रो हाफमा पनि चिलीले पहिलो हाफकै नतिजालाई कायम राख्न सक्दा अर्जेन्टिनासँगको उपाधि भिडन्त पक्का गर्यो ।
बुधबार बिहान भएको खेलमा अर्जेन्टिनाले अमेरिकामाथि ४–० को नतिजा निकाल्दै फाइनल यात्रा पक्का गरिसकेको छ ।
चिलीलाई फाइनल पुर्याउन खेलको सातौं मिनेटमा एरानग्वुइजले सातौं मिनेटमा पहिलो गोल गरेका थिए ।
त्यसको चार मिनेट नबित्दै चिलीले जाजे फ्युन्जालिडाको गोलमा अग्रता दोब्बर बनायो । पहिलो हाफमा गरेको दुई गोल नै चिलीलाई जितका लागि पर्याप्त भयो ।
तनावपूर्ण खेलमा रेफ्री दुबै देशका नौ खेलाडीलाई पहेँलो कार्ड देखाएका थिए ।
