आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं: नेपाली क्रिकेट टोलीले मंगलबार क्रिकेटको मक्का मानिने इङ्ल्यान्डको लर्डस मैदानमा प्रतियोगिता खेल्ने तयारी गर्दै छन् ।
विश्वको सबैभन्दा पुरानो क्लब मेरिलिबोन क्रिकेट क्लब (एमसीसी) सँग नेपालले एकदिवसीय खेल खेल्न लागेको हो । खेल समय अहिले अपरान्ह ३:१५ बजेबाट हुने छ।
लर्डसमै रहेको एमसीसीको निमन्त्रणामा नेपाली टोलीलै मैत्रीपूर्ण खेल खेल्न लागेको हो । यसअघि एमसीसीले गत वर्ष नेपालमा आएर खेलेको थियो ।
एमसीसीसँग खेल्नुअघि नेपाली टोलीले इङ्ल्यान्डमा चारवटा अभ्यास खेल खेलेको थियो जसमा नेपाली टोलीले फ्री फोरेस्टरलाई एक सय २९ रन (एकदिवसीय), इन्डियन जिमखानालाई २० रन (टीट्वेन्टी), क्लब क्रिकेट कन्फेरेन्स (सीसीसी) लाई चार विकेट (एकदिवसीय) र इस्टबोर्न सीसीलाई एक सय ८१ रन (एकदिवसीय) ले हराएको थियो ।
नेपालले आगामी अगस्ट १३ र १५ तारिखमा नेदरल्यान्ड्ससँग आईसीसी वल्र्ड क्रिकेट लिग च्याम्पियनसिप पनि खेल्दैछ । महत्त्वपूर्ण मानिएको उक्त खेलका लागि एमसीसीविरुद्धको भिडन्तलाई तयारीका रूपमा पनि लिइएको छ ।
