आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौँ। वडा नं १७ र वडा नं १ को ‘ए’ टोलीले छैटौँ कीर्तिपुर नगरव्यापी वडास्तरीय बास्केटबल प्रतियोगिताको उपाधि जितेका छन् ।
कीर्तिपुरमा भएको फाइनल खेलमा वडा नं १७ पुरुष र वडा नं १ महिलामा च्याम्पियन बने । कीर्तिपुर नगरपालिका र कीर्तिपुर बास्केटबल एकेडेमीद्वारा संयुक्त रुपमा आयोजित प्रतियोगिताको पुरुष फाइनलमा वडा नं १७ ले वडा नं ३ को ‘ए’ टोलीलाई ६२–५२ ले पराजित ग¥यो । विजयी टोलीका लागि राष्ट्रिय बास्केटबल टोलीका सदस्य सिद्धार्थ महर्जनले २८ अङ्क जोडे । उनी ‘मोस्ट भेलुएबल प्लेयर’ समेत चुनिए ।
प्रतिस्पर्धात्मक फाइनलको सुरुका दुई क्वार्टरमा वडा नं १७ ले क्रमशः १४–१३ र १६–१५ को झिनो अग्रता लिएको थियो । तेस्रो र चौथो क्वार्टरमा पनि अग्रतालाई कायम राखेको वडा नं १७ ले क्रमशः १६–९ र १६–१५ स्कोर ग¥यो ।
त्यस्तै, महिलाको थ्री बाई थ्री फाइनलमा वडा नं १ ले वडा नं ७ लाई १०–५ ले हरायो । विजेताकी क्रुशा महर्जन ‘मोस्ट भेलुएबल प्लेयर’ घोषित भइन् ।
विजेतालाई सांसद राजेन्द्रकुमार केसी, नेपाल बास्केटबल सङ्घका वरिष्ठ उपाध्यक्ष नरेन्द्र थापा, आयोजक एकेडेमीका अध्यक्ष विजयप्रकाश महर्जनलगायतले आजै एक कार्यक्रमबीच पुरस्कार प्रदान गर्नुभयो । कात्तिक ८ गतेदेखि सुरु प्रतियोगिताको पुरुषमा ११ तथा महिलामा ७ टोली सहभागी थिए ।
