एजेन्सीः स्पेनिस ला लिगा फुटबल अन्तर्गतको खेलमा बार्सिलोनाले एथ्लेटिको मड्रिडलाई पराजित गरेको छ । गए राति भएको खेलमा बार्सिलोनाले एथ्लेटिकोलाई १-० गोल अन्तरले पराजित गरेको हो ।
बार्सिलोनाको घरेलु मैदानमा भएको खेलको २६औं मिनेटमा फ्रि किक मार्फत गोल गर्दै मेस्सीले अग्रता दिलाए । उनले फ्रि किकमा उत्कृष्ट गोल गरेका थिए । दुवै टोलीले पाएका उत्कृष्ट अवसरलाई सदुपयोग गर्न नसक्दा खेलमा थप गोल हुन सकेन ।
जितसँगै लिगमा बार्सिलोना २७ खेलबाट ६९ अंकका साथ र्शीष स्थानमा अवस्थित छ । बार्सिलोनाले दोस्रो स्थानको एथ्लेटिको मड्रिड भन्दा ८ अंकको अग्रता लिएको छ ।
