आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौंः श्रीलंकलाई १-०ले हराउँदै नेपाल चौथो साफ महिला च्याम्पियनसिपको सेमिफाइनलमा प्रवेश गरेको छ । शुक्रबार श्रीलंकासँग भएको विपक्षीको आत्मघाती गोलको फाइदा उठाउँदै सेमिफाइनलको यात्रा गर्न सफल भएको हो ।
समूह ए मा तीनै खेल जितेर नेपालले ९ अंकको साथ शीर्षस्थानमा रहन सफल भएको छ । सोमबार नेपालले समूह बी को उपविजेतासँग सेमिफाइनल खेल्नेछ । सिलगुडीको कञ्चनजंघा स्टेडियममा भएको खेलमा ८८ औं मिनेट सपना लामाले हानेको कर्नर किक श्रीलंकाली खेलाडीको खुट्टामा लागेर गोलपोष्टमा छिरेको थियो । गोल गर्ने श्रीलंकाकी आरडीएलआर गुनावर्दन हुन ।
भुटान र माल्दिभ्ससँगको खेलमा फराकिलो जित हासिल गरेको नेपालले श्रीलंकासँग भने कडा प्रतिस्पर्धा गर्नुपरेको थियो । आक्रामकरुपमा प्रस्तुत भएको श्रीलंकासँग नेपाली टिम बढी प्रतिरक्षात्मक बन्नु परेको थियो । अघिल्लो खेलहरुमा राम्रो प्रदर्शन गर्न सफल नेपालकी स्ट्राइकर सावित्रा चल्न सकिनन् ।
