काठमाडौंः नेपाली राष्ट्रिय टोलीका युवा क्रिकेटर सन्दिप लामिछाने पल्सर स्पोर्टस अवार्डको तीन विधामा मनोनयनमा परेका छन् । उनी पिपुल्स च्वाईस विधा, वर्षको उत्कृष्ट खेलाडी र वर्षको उत्कृष्ट युवा खेलाडीको मनोनयनमा परेका हुन् ।
सन्दिप पिपुल्स च्वाईस विधामा भने यसअघिनै परिसकेका थिए । उत्कृष्ट पुरुष खेलाडीमा सन्दिपसँगै क्रिकेट कप्तान पारस खड्का, जुडोका इन्द्रबहादुर श्रेष्ठ, ब्याडमिन्टनका दीपेश धामी र गल्फका टंकबहादुर कार्की मनोनयनमा परेका छन् ।
यस्तै उत्कष्ट महिला खेलाडीमा ब्याडमिन्टकी शोभा गौचन, बक्सिङकी विमला श्रेष्ठ, फुटबलकी सावित्रा भण्डारी, आर्चरीकी ज्ञानु अवाले र टेबलटेनिसकी नविता श्रेष्ठ परेका छन् ।
साथै, उत्कृष्ट युवा खेलाडीमा सन्दिप लामिछाने, क्रिकेटका दीपेन्द्रसिंह ऐरी, फुटबलका दिनेश हेम्जन, जुडोकी मनिता श्रेष्ठ, र बक्सिङका पुनम रावल मनोनयनमा परेका छन् ।
वर्षको उत्कृष्ट प्रशिक्षकको मनोनयनमा क्रिकेटका प्रशिक्षक जगत टमाटा, क्रिकेटकै बिनोद दास, फुटबलका छिरिङ लोप्साङ गुरुङ, बक्सिङका प्रकाश थापामगर र ब्याडमिन्टनका जयन्तकुमार श्रेष्ठ परेका छन् ।
