मस्कोः रुसमा जारी २१औं संस्करणको विश्वकपमा मोरोक्कोविरुद्ध भएको खेलमा गोल गर्दै पोर्चुगलका क्रिस्टियानो रोनाल्डोले टोलीलाई जित दिलाएका छन् । उनले खेलको पाँचौ मिनेटमा हेडर गोल गर्दै टोलीलाई जित दिलाएका हुन् ।
यस गोलसँगै उनको जारी विश्वकपमा गोल संख्या ४ पुगेको छ । रोनाल्डोले स्पेनविरुद्धको खेलमा पनि ह्याट्रिक गरेका थिए । उक्त गोलसँगै रोनाल्डोले पोर्चुगलका लागि ८५औं अन्तर्राष्ट्रिय गोल गरेका छन् ।
जितसँगै पोर्चुगल आफ्नो समूहकमा चार अंकका साथ शीर्पा स्थानमा रहेको छ । अब इरानविरुद्धको खेलमा जित निकालेमा पोर्चुगलले समूह चरण पार गर्ने छ ।
