काठमाडौँ । बंगलादेशसँग आठ विकेटले पराजीत भएपछि नेपाल एसीसी इमर्जिङ टीम्स एशिया कप क्रिकेटबाट बाहिरिएको छ ।
सोमवार टस हारेर ब्याटिङ गरेको नेपालले कमजोर प्रदर्शन गर्दै ४४.३ ओभरमा १३८ रन मात्रै बनाएको थियो । आयोजक बंगलादेशले २४ ओभरमा दुई विकेट गुमाएर लक्ष्य प्राप्त गरेको हो ।
समूह बीमा रहेको नेपालले गत बिहीवार भारतसँग हारेको थियो भने शनिवार हङ्कङलाई हराएको थियो ।
आजको खेलपछि भारत, बंगलादेश र पाकिस्तान प्रतियोगिताको सेमीफाइनलमा पुगेका छन् ।
