मङ्गलबार १५ असोज, २०८१ | Tuesday Oct 01, 2024
काठमाडौं । शताब्दी पुरुष सत्यमोहन जोशीको पार्थिव शरीर नजलाइ अध्ययनका लागि किष्ट मेडिकल कलेजमा राखिने भएको छ ।
अस्पतालका डा. किशोर सिंह बस्नेतका अनुसार स्वर्गीय जोशीको इच्छाअनुसार नै उनको शरीर नगल्ने केमिकल प्रयोग गरेर कलेजमा राखिने छ ।
जोशीले मृत्युपछि आफ्नो शरीर दान गर्ने घोषणा गरेका थिए । उनको आइतबार बिहान १०३ बर्षको उमेरमा निधन भएको हो । नेपालको लामो राजनीतिक तथा सामाजिक परिवर्तनको साक्षी रहेका जोशीको निधनप्रति नेताहरुले शोक वक्तव्य दिएका छन् ।
