शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । नेपाल बीमा प्राधिकरणका अध्यक्ष सूर्य सिलवालले मेट लाइफ इन्स्योरेन्सले ल्याएको सेवा बीमित मैत्री रहेको बताएका छन् । सिलवालले बीमितको आवश्यकता बुझेर बीमा कम्पनीहरुले आफ्ना सेवा प्रवाह गर्दा प्रभावकारी हुनेमा समेत जोड दिएका हुन् ।
उनले बीमा क्षेत्रमा डिजिटल प्राविधिको मागको साथसाथै प्रयोग समेत बढ्न थालेको बताएका छन् । आज मेट लाइफ इन्स्योरेन्सले वान नाम गरेको नयाँ मोबाईल एप सार्वजनिक गरेको छ । सोही एपको शुभारम्भमा बोल्दै बीमा प्राधिकरणका अध्यक्ष सिलवालले प्रविधिले एकातिर बीमितलाई सजिलो बनाउँने र अर्कोतिर बीमाको पहुँच पनि बढाउने बताएका हुन् ।
उनले मेट लाइफको वान एपको माध्यमबाट बीमितहरुका विभिन्न जिज्ञासाहरुको समाधान हुने सुनाए । कार्यक्रममा मानव स्वास्थ्यको महत्वमा प्रकाश पार्दै बीमाले मानव जीवनमा पुर्याउने योगदानमा समेत चर्चा गरिएको थियो ।
आगामी दिनमा बीमा कम्पनीहरुले विगतको जस्तो अर्काको बीमालेखको नक्कल गर्ने भन्दा पनि बैंकहरुले जस्तै रचनात्मक भए नयाँ नयाँ योजनाहरु ल्याउनु पर्ने पनि बताए ।
