शुक्रबार २३ कात्तिक, २०८१ | Friday Nov 08, 2024
काठमाडौं । नेकपा एमालेको धादिङ जिल्ला अधिवेशनमा कुटाकुट हुँदा एक जनाको हात भाँचिएको छ । प्रतिनिधि मनोनयमा विवाद बढ्दै गएर कुटाकुटको स्थिति बनेको हो ।
कुटाकुट हुँदा सन्तोष खनालको हात भाँचिएको सो पार्टीद्धारा जारी विज्ञप्तिमा जनाइएको छ । एमाले धादिङको नवौं जिल्ला अधिवेशनको बन्दसत्र सुरू हुनुपूर्व विवाद र कुटाकुट भएको थियो ।
प्रतिनिधि चयनको विषयमा यसअघिदेखि नै विवाद रहेकोमा आज भने त्यो बढ्दै गएर कुटाकुटको स्थिति बनेको हो । कुटाकुटपछि अधिवेशन अनिश्चित कालका लागि स्थगित गरिएको छ ।
