बिहीबार २२ कात्तिक, २०८१ | Thursday Nov 07, 2024
काठमाडौं । पूर्वी टर्कीको सुन खानीमा पहिरो जानमा जिम्मेवार भएको आशंमा ८ जनालाई पक्राउ गरिएको छ । एर्जिन्कान प्रान्तको इलिक जिल्लाको सुन खानीको डम्प–लिचिङ क्षेत्रमा मंगलवार पहिरो गएको थियो ।
सो पहिरोमा ९ जना कामदारहरु बेपत्ता भएका छन् । सो आरोपमा बुधवार ७ र बिहीवार एक गरी आठ जनालाई पक्राउ गरिएको हो । पक्राउ परेका संदिग्धहरूमा कम्पनीका व्यवस्थापकीय र प्रशासनिक पदमा रहेका कर्मचारीहरू पनि रहेका छन् ।
कोप्लर सुन खानी क्षेत्रमा भूमिगत फसेका मजदुरहरुको खोजी तथा उद्धार कार्य जारी छ । टर्कीका आन्तरिक मन्त्री अली येर्लिकायाले पहिरोमा फसेका कामदारहरू खानीबाट निकालिएको, माटोको ढिस्को समावेश भएको १० मिलियन घन मिटरको आयतन मुनि रहेको र उक्त माटो करिव ८०० मिटर सरेको बताउनु भयो । सिन्ह्वा–नान
