आइतबार ६ असोज, २०८१ | Sunday Sep 22, 2024
काठमाडौं । ग्लोबल इक्विटी फन्ड लिमिटेडले विशेष साधारणसभा डाकेको छ ।
सभा, असार ७ गते शुक्रबार ललितपुरको सानेपामा बिहानको १० बजेदेखि सुरू हुनेछ ।
कम्पनीको जेठ २१ गते बसेको सञ्चालक समितिको बैठकले सभाको मिति तय गरेको हो ।
सभाले सञ्चालकहरूको नियुक्ति अनुमोदन गर्ने, सञ्चालकको संलग्नता रहेको कम्पनीसँगको कारोबारको स्वीकृति दिने र कम्पनी ऐन, २०६३ को दफा ६० बमोजिम रणनीति पेस गर्ने प्रस्ताव पारित गर्नेछ ।
साथै, कम्पनीको प्रबन्धपत्र तथा नियमावली संशोधन गर्ने, हकप्रद शेयर जारी गर्नेबारे सञ्चालक समितिलाई अख्तियारी प्रदान गर्नेलगायतका प्रस्ताव पनि सभाले पारित गर्नेछ ।
