शनिबार १२ असोज, २०८१ | Saturday Sep 28, 2024
काठमाडौं । श्री इन्भेष्टमेन्ट एन्ड फाइनान्स र मल्टीपर्पस फाइनान्सले संस्थापक शेयर बिक्रीमा राखेका छन् ।
श्री इन्भेस्टेमन्टले ३७ हजार १३६ कित्ता शेयर बिक्रीमा राखेको छ । यस शेयरमा संस्थाका कायम शेयरधनीले मात्रै खरिद आवेदन दिन सक्नेछन् ।
इच्छुक संस्थापक शेयरधनीले ३५ दिनभित्र कम्पनीको केन्द्रीय कार्यालय डिल्लीबजारमा खरिद निवेदन दिनुपर्नेछ ।
शेयरको मूल्य बिक्रेता र खरिदकर्ताको आपसी समझदारीमा हुने कम्पनीले जनाएको छ ।
त्यसैगरी, मल्टीपर्पस फाइनान्सले एक हजार ३९४ कित्ता शेयर बिक्रीमा राखेको छ ।
यसमा पनि संस्थापक शेयरधनीले मात्रै खरिद आवेदन दिन पाउनेछन् । इच्छुक शेयरधनीले ३५ दिनभित्र कम्पनीसचिवको कार्यालयमा खरिद गर्न चाहेको कित्ता विवरण खुलाई निवेदन दिनुपर्नेछ ।
तोकिएको समयभित्र खरिद आवेदन नपरेमा उल्लिखित कम्पनीहरुको शेयर अन्य व्यक्ति वा संस्थालाई बिक्री गर्ने प्रक्रिया अघि बढाइने बताइएको छ ।
