शनिबार १२ असोज, २०८१ | Saturday Sep 28, 2024
काठमाडौं । भिषण बर्षासँगै आएको बाढी पहिरोपछि सरकारले जारी सबै परीक्षाहरु स्थगित गर्ने निर्णय गरेको छ ।
सरकारको आज बसेको आकस्मिक बैठकले भारी बर्षाको कारण देखाउँदै जारी सबै किसिमका परीक्षा स्थगित गर्ने निर्णय गरेको हो । कार्यबाहाक प्रधानमन्त्री प्रकाशमान सिंहको नेतृत्वमा बसेको बैठकले बाढी पहिलोबाट ज्यान गुमाएका परिवारलाई राहत र क्षतिपूर्ति दिने, घाइतेहरुको निःशुल्क उपचार गर्ने अलपत्र यात्रुको तत्काल उद्दार गर्ने निर्णय गरेको सरकारका प्रवक्ता पृथ्वीसुब्बा गुरुङले बताए ।
परीक्षा थोरै समयका लागि स्थगन गर्ने निर्णय उनको भनाई छ । सरकारको यो निर्णयसँगै भोलिदेखि हुने मेडिकल काउन्सिलको परीक्षा पनि स्थगित भएको छ ।
दुई दिनदेखि परेको भारी वर्षाले देशभर ठूलो जनधनको क्षति पुगेको छ । यो बर्षा अझ एक दिन जारी रहनसक्ने मौसमविद्हरुले जनाएका छन् ।
