शनिबार १२ असोज, २०८१ | Saturday Sep 28, 2024
काठमाडौँ । देशभर अविरल भारी बर्षाले बित्तण्डा मच्चाउँदा देश नै संकटकालिन अवस्थामा पुग्दा प्रधानमन्त्री केपी ओली भने अमेरिकामा खुद्रे कार्यक्रममा रमाएका छन् ।
शुक्रबारदेखि नै बाढी, पहिलो र डुवानले गर्दा देशभरको जनजीवन प्रभावित बन्न सुरु भएको खबर आउँदा पनि उनी भ्रमण छोट्याएर फर्किनुको सट्टा सानातिना कार्यक्रममा अडकिएर बसेका छन् ।
ओलीले राष्ट्र संघको महासभामा बिहीबार नै सम्बोधन गरिसकेका छन् । जल तथा मौसम विज्ञान विभाग र मौसमविद्हरुले पहिलेदेखि नै भारी बर्षा हुने भन्दै सतर्कता अपनाउन सचेत गराउँदै आएका थिए ।
तर असोज ४ गते न्युयोर्क प्रस्थान गरेका ओली अझै दुई दिन नेपाल फर्किने योजनामा छैनन् । उनले राष्ट्रसंघमा सम्बोधनपछि केही देशका सरकार प्रमुख र राष्ट्र संघका प्रतिनिधिलाई भेट्ने र अनावश्यक कार्यक्रममा भाग लिएर समय बिताएका छन् ।
ओली असोज १४ गते मात्रै फर्किने तयारीमा छन् ।
