मङ्गलबार ६ कात्तिक, २०८१ | Tuesday Oct 22, 2024
काठमाडौं । एनएमबि बैंक लिमिटेडले संस्थापक शेयर बिक्रीमा राखेको छ ।
बैंकले विभिन्न शेयरधनीको स्वामित्वमा रहेको कुल १ लाख २३ हजार ३२४ कित्ता शेयर बिक्रीमा राखेको हो ।
यो शेयर जोकोही व्यक्ति वा संस्थाले खरिद गर्न पाउनेछन् । बैंकले यसअघि संस्थापक शेयरधनीले मात्रै खरिद गर्न पाउने गरी बिक्रीमा ल्याइसकेको छ । तोकिएको समयभित्र खरिद आवेदन परेपछि अहिले सर्वसाधारणका लागि बिक्री खुला गरिएको बैंकले जनाएको छ ।
इच्छुक खरिदकर्ताले आवश्यक कागजातसहित ७ दिनभित्र शेयर बिक्री प्रबन्धक एनएमबि क्यापिटलको कार्यालय बालुवाटार काठमाडौंमा निवेदन पेश गर्नुपर्नेछ ।
खरिदकर्ता र बिक्रीकर्ताको आपसी सहमतिपश्चात् शेयर खरिदबिक्री गरिने बैंकले जनाएको छ ।
