बुधबार २८ कात्तिक, २०८१ | Wednesday Nov 13, 2024
काठमाडौं । सरकारको आलोचना बढ्दै गएपछि मानव तस्करीमा मुछिएका कोशीका आन्तरिक मामिला तथा कानुन मन्त्री लीलाबल्लभ अधिकारी पक्राउ परेका छन् ।
प्रहरीले विराटनगरस्थित निवासबाटै उनलाई आइतबार नियन्त्रणमा लिएको हो । तीन जना युवाहरुलाई १० देखि १३ लाख रुपियाँ रकम अशुलेर जापान पठाएको खुलेपछि सत्ताधारी दल नेकपा एमालेका नेतासमेत रहेका मन्त्री अधिकारीले राजीनामा दिएका थिए ।
उक्त घटना बाहिरिएपछि सरकारको व्यापक आलोचना भइरहेको छ । अधिकारीलाई बचाउन पक्राउ परेकाहरुबाट बयान फेर्न लगाइएको भन्ने कुरा समेत सार्वजनिक भएको छ ।
