बुधबार २८ कात्तिक, २०८१ | Wednesday Nov 13, 2024
काठमाडौं । नेपाल नागरिक उड्डयन प्राधिकरणले भैरहवास्थित गौतमबुद्ध अन्तर्राष्ट्रिय विमानस्थल उडानका लागि अनुमति दिएको छ । कतार एयरवेजले भोलि (मंगलबार)बाट उडान सुरु गर्नेछ ।
कतार एयरवेजले दोहा–भैरहवा–काठमाडौं–दोहा उडानका लागि आउँदो नोभेम्बर ३० सम्म १९ उडान गर्न पाउने प्राधिकरणका प्रवक्ता ज्ञानेन्द्र भुलले बताए ।
यसअघि भैरहवा विमानस्थलका महाप्रबन्धक प्रतापबाबु तिवारीले कतार एयर एयरवेजले हप्ताको सातै दिन भैरहवा उडान गर्न प्राधिकरणसँग उडान अनुमति मागेको बताएका थिए ।
भैरहवाबाट यही कार्तिक १८ गतेदेखि थाइ एयर एसिया, जजिरा एयरवेज, फ्लाइ दुबई र नेपाल वायुसेवाले व्यवसायिक उडान थालेका छन् ।
