काठमाडौंः मेसीलाई क्लब भित्र्याउन २ सय ७५ मिलियन पाउण्डको कीर्तिमानी रकम तिर्न म्यानचेस्टर सिटी तयार रहेको अन्तर्राष्ट्रिय सञ्चार माध्यमहरूले जनाएका छन् । केही समय अगाडि क्लबले नेयमारलाई बेचेपछि बार्सिलोना भित्र देखिएको असन्तुष्टीको फाइदा उठाउदै सिटीले मेस्सीलाई कीर्तिमानी रकमको अफर गरेको हो।
यसअघि, बार्सिलोनाले गतमहिना मेसीसँग चार वर्षको नयाँ सम्झौता हुन लागेको बताएको थियो। बार्सिलोनाले मेसीको पारिश्रमिक बढाउँदै हप्ताको एक मिलियन पाउण्ड भन्दा बढी बनाउने तयारी भइरहेको जनाइएको थियो । तर हालसम्म पनि बार्सिलोनाले मेसीसँग कुनै औपचारिक सम्झौता गरेको छैन। यसै मौका छोपेर सिटीले मेसीलाई कीर्तिमानी रकमको प्रस्ताव गरेको हो।
यसअघि पेरिस सेन्ट जर्मन(पिएसजी) ले १ सय ९८ पाउण्डमा नेयमारलाई बार्सिलोनाबाट खरिद गरेको थियो।
