एजेन्सीः म्यान्चेस्टर सिटीले चिलीका स्ट्राइकर एलेक्सिस साञ्चेसका लागि गरेको ५० मिलियन पाउण्डको प्रस्ताव आर्सनलले अस्वीकार गरेको छ ।
उनको आर्सनलसँगको सम्झौता यस सिजनको अन्त्यसँगै सकिनेछ र उनी सिटी प्रशिक्षक पेप ग्वार्डिओलाको मातहतमा खेल्न चाहन्छन् । २८ वर्षीय स्ट्राइकर साञ्चेसले गत सिजन आर्सनलका लागि लिगमा र अन्य खेलमा गरि २४ गोल गरेका थिए ।
आर्सनलले साञ्चेसका लागि कुनै पनि प्रस्ताव स्वीकार नगर्ने भएको छ । यस सिजनको खेलाडी ट्रान्सफरको समयसीमा बिहीबारबाट बन्द हुनेछ । आर्सनल र सिटीबीच साञ्चेस र रहिम स्टर्लिङ आदान प्रदान गर्ने सम्भावना पनि कमजोर भएको छ । सिटीका प्रशिक्षक ग्वार्डिओला साञ्चेसप्रति आकषिर्त रहेपनि आर्सनलले बेच्न अस्वीकार गरेको छ ।
२२ वर्षीय इंग्लिस फरवार्ड स्टर्लिङले प्रिमियर लिगमा सिटीका लागि तीनै खेलमा पहिलो रोजाईमा परेका थिए । यद्यपि मोनाकोबाट बर्नाण्डो सिल्भालाई भित्र्याएको म्यान्चेस्टर सिटीले इत्तेहाद रंगशालामा स्टर्लिङको भूमिकाको ग्यारेन्टी गरिसकेका छैन ।
